देशलाई अस्थिरताको भूमरीमा फसाउन प्रादेशिक संरचनाको विरोध (भिडियो रिपोर्टसहित)

४ पुस २०७९ काठमाडौं । नेकपा एमालेका महासचिव शंकर पोखरेलले नेपाललाई अस्थिरताको भूमरीमा फसाउन प्रादेशिक संरचनाको विरोध हुने गरेको बताउनुभएको छ ।

काठमाडौंमा आज आयोजित कार्यक्रममा महासचिव पोखरेलले प्रादेशिक संरचनाको विरोध गर्नु देशलाई अस्थिरताको भूमरीमा फसाउने प्रयोगशाला बनाउने खेती भएको बताउनुभएको हो ।

उहाँले कहीँ पनि प्रदेशबिनाको शासन नभएको भन्दै संघीयतामा झनै प्रदेश आवश्यक रहेको बताउनुभयो ।

महासचिव पोखरेलले नेपालको प्रशासनिक संयन्त्र संघीयता कार्यान्वयन गर्ने सवालमा मानसिक रुपमा तयार नभएका कारण समस्या पैदा भएको बताउनुभयो ।