सभामुखलाई एमालेको दुई विकल्पः कि सच्चिऊ, कि राजीनामा देउ

Himalaya Television
२०७८ पुष २ गते १८:५४

सभामुखलाई एमालेको दुई विकल्पः कि सच्चिऊ, कि राजीनामा देउ

२ पुस २०७८ काठमाडौं । नेकपा एमालेले संसदको गतिरोध हटाउनका लागि राजीनामा दिन सभामुख अग्नीप्रसाद सापकोटालाई सुझाव दिएको छ ।

ललितपुरको च्यासलस्थित तुलसीलाल स्मृति भवनमा आयोजित पत्रकार सम्मेलनमा एमाले महासचिव शंकर पोखरेलले सभामुखसमक्ष गल्ती सच्याउने वा राजीनामा दिने भन्ने २ वटा मात्र विकल्प रहेको बताउनुभयो । संसदको अवरोध नहटेसम्म कुनै पनि विजनेस प्रवेश गर्न नदिने उहाँको भनाइ छ ।

संसद सचिवालयलाई जानकारी गराए पनि आफ्नो पार्टीले कारवाही गरेका सांसदलाई सभामुखले कारवाही नगरेको भन्दै एमालेले संसद्‍ बैठक अवरुद्ध गर्दै आएको छ ।

फरक प्रसङ्गमा महासचिव पोखरेलले नेता भीम रावलले पार्टीमा जिम्मेवारी लिन तत्परता नदेखाएको बताउनुभयो ।

नेता रावलले तत्परता देखाउने बित्तिकै पार्टीले आवश्यक छलफल गरेर रावललाई जिम्मेवारी दिने उहाँको भनाइ छ ।


प्रतिक्रिया

Leave a Reply

Your email address will not be published. Required fields are marked *

Latest Programs