आजको प्रतिनिधिसभा बैठकमा पनि एमालेको अवरोध

२५ भदौ २०७८ काठमाडौं । प्रतिनिधसभाको आजको बैठकमा पनि विपक्षी दल नेकपा एमालेले अवरोध गरेको छ ।

बैठकको कारबाही प्रारम्भ हुनासाथ एमालेका सांसदहरु उठेर नाराबाजी गरेका हुन् । उनीहरुले संसदीय सर्वोच्चताको माग गर्दै नाराबाजी गरेका थिए ।

१५ मिनेटभन्दा बढी नाराबाजी भएपछि सभामुख अग्निप्रसाद सापकोटाले बैठक आजै १५ मिनेट लागि स्थगित गर्नु भएको छ ।

बैठकमा नाराबाजी भएपछि सभामुख सापकोटाले बैठक सञ्चालन गर्न दिन पटकपटक आग्रह गर्नु भएको थियो ।