कोरोनाविरुद्धको भेरोसेल खोपको दोस्रो मात्रा असार २२ गतेदेखि लगाइने

११ असार २०७८ काठमाडौं । कोरानाविरुद्धको भेरोसेल खोपको पहिलो मात्रा लगाएकालाई असार २२ गतेबाट दोस्रो मात्रा लगाइने भएको छ ।

सरकारले जेठ २५ गतेदेखि २९ गतेसम्म देशभर ६० देखि ६४ वर्ष उमेर समूहका नागारिकलाई भेरोसेलको पहिलो मात्रा लगाएको थियो ।

पहिलो मात्रा लगाएका तीन लाख ७० हजार नागरिकलाई असार २२ गतेबाट दोस्रो मात्रा दिने तय भएको स्वास्थ्य सेवा विभागले जनाएको छ ।

साथै, अघिल्ला खोप अभियानमा भेरोसेल खोपको दोस्रो मात्रा लगाउन छुटेकाले समेत सोहि अवधिमा दोस्रो डोज लगाउन पाउने छन् ।

खोप लगाउन यसअघि पहिलो मात्रा लगाएको कार्ड अनिवार्य देखाउनुपर्ने छ ।