बीमा समितिका नवनियुक्त अध्यक्ष सिलवालले सम्हाले जिम्मेवारी
२२ माघ २०७७ काठमाडौं । बीमा समितिका नवनियुक्त अध्यक्ष सूर्यप्रसाद सिलवालले आज जिम्मेवारी सम्हाल्नु भएको छ ।
सिलवाललाई सपथ गराउँदै अर्थ मन्त्रालयका राजस्व सचिव रामशरण पुडासैनीले बीमाको पहुँच बढाउनुपर्ने चुनौती सामना गरेर अघि बढ्न सुझाव दिनुभयो ।
कोरोना बीमाको दाबी गर्नेहरुलाई भुक्तानी गर्नका लागि रकमको व्यवस्थापन गर्ने चुनौती रहेको उहाँले बताउनुभयो । सरकारको स्वामित्वमा रहेका दुई बीमा कम्पनीलाई पारदर्शी बनाउनुपर्नेमा पनि सचिव पुडासैनीले जोड दिनुभयो ।
बीमा समितिका नवनियुक्त अध्यक्ष सिलवालले बीमा कम्पनीको पहुँच विस्तारका साथै कम्पनीको विश्वसनीयता बढाउन आफू खरो उत्रिने बताउनुभयो ।
बीमा क्षेत्रको वर्तमा समस्यालाई समाधान गर्दै नीतिगत र संरचनालाई समीक्षा गरिने उहाँको भनाइ छ । कार्यक्रममा उपस्थित अर्थमन्त्री विष्णु पौडेलले मन्त्रालयको तर्फबाट आवश्यक सहयोग, समन्वय र सहजीकरण गर्ने प्रतिबद्धता व्यक्त गर्नुभयो ।
प्रतिक्रिया