खेलकूद
अल नासर क्लबले जित्यो अरब क्लब च्याम्पियन्स कपको उपाधि
२०८० साउन २८ गते ९:०६
२८ साउन २०८० काठमाडौं । अरब क्लब च्याम्पियन्स कपको उपाधि साउदी अरेबियाको अल नासर क्लबले जितेको छ ।
फाइनलमा साउदीकै अल हिलाललाई २–१ ले हराउँदै अल नासर च्याम्पियन बनेको हो । अल नासरको जितमा कप्तान क्रिष्टियानो रोनाल्डोले दुई गोल गरे ।
अल हिलालको घरेलु मैदान किङ फाहद रंगशालामा रोनाल्डोले ७४औं र ९८औं मिनेटमा गोल गरेका थिए । त्यस्तै ७१औं मिनेटमा अब्दुलेलह अल–अमरीले रेड कार्ड पाएपछि अल नासर १० खेलाडीमा सिमित भएको थियो ।
यसअघि अल हिलालका लागि ५१औं मिनेटमा माइकलले गोल गरेका थिए । साउदी क्लबमा भित्रिएपछि रोनाल्डोले क्लबबाट जितेको यो पहिलो उपाधि हो ।
प्रतिक्रिया