विदेश

युक्रेन छोडेर आउने नागरिकलाई रुसले १० हजार रुबल प्रतिमहिना पेन्सन दिने

हिमालय टिभी
२०७९ भदौ १२ गते ९:३०
युक्रेन छोडेर आउने नागरिकलाई रुसले १० हजार रुबल प्रतिमहिना पेन्सन दिने

१२ भदौ २०७९ मस्को । रुसका राष्ट्रपति भ्लादिमीर पुटिनले युक्रेन छोडेर आउने नागरिकलाई प्रत्येक महिना पेन्सन उपलब्ध गराउने घोषणा गर्नुभएको छ ।

योजनाअनुसार १८ फेबु्रअरी पछि युक्रेन छोडेका नागरिकलाई १० हजार रुबल अर्थात् १ सय ७० अमेरिकी डलर प्रति महिना उपलब्ध गराइनेछ । शारीरिक रुपले अपाङ्गता भएका व्यक्तिलाई पनि उक्त योजनामा समावेश गरिने राष्ट्रपति पुटिनले बताउनुभयो ।

उहाँले युक्रेन, डोनेत्स्क र लोहान्स्कका नागरिकका लागि यो योजना लागू गरिएको पनि उल्लेख गर्नुभयो । रुसले युक्रेनसँगको युद्धको क्रममा डोनेत्स्क र लोहान्स्कलाई स्वतन्त्र राज्यको रुपमा मान्यता दिएको छ ।

तर, युक्रेन भने ती क्षेत्रमा आफ्नो बर्चस्व फिर्ता गर्ने प्रयासमा जुटिरहेको छ । यता, रुसको यस योजनाको पश्चिमा मुलुकहरूले निन्दा गरेका छन् ।

प्रतिक्रिया

Leave a Reply

Your email address will not be published. Required fields are marked *