भारतका गुजरातमा घरेलु मदिरा सेवन गर्दा मृत्यु हुनेको संख्या २६ पुग्यो

१० साउन २०७९ गुजरात । मदिरा निषेधित भारतको गुजरातमा घरेलु मदिरा पिउँदा कम्तिमा पनि २६ जनाको मृत्यु भएको छ । ४० जनाभन्दा धेरै अस्पताल भर्ना भएका छन ।

गुजराजको बोटाद जिल्लामा रक्सी खाएकाहरु बिरामी परेको भारतीय सञ्चारमाध्यमले जनाएका छन ।

उनीहरुको उपचार भइरहेको छ । प्रहरीले रक्सी बनाउने र बेच्ने ५ जनालाई पक्राउ गरेर कारबाही अघि बढाएको बताएको छ ।

भारतको गुजराजसहित बिहार, मिजोरम र नागल्याण्ड राज्यले मदिराको उत्पादन, बिक्री वितरण र उपयोगमा प्रतिबन्ध लगाएका छन् ।