विदेश

भारतको महाराष्ट्र राज्यका मुख्यमन्त्री उद्धव ठाकरेले दिए राजीनामा

हिमालय टिभी
२०७९ असार १६ गते ७:४३
भारतको महाराष्ट्र राज्यका मुख्यमन्त्री उद्धव ठाकरेले दिए राजीनामा

१६ असार २०७९ मुम्बई । भारतको महाराष्ट्र राज्यका मुख्यमन्त्री उद्धव ठाकरेले राजीनामा दिएका छन् ।

शिवसेना प्रमुख समेत रहेका ठाकरेले मुख्यमन्त्री पदबाट राजीनामा दिएका हुन् । बहुमत परीक्षणका लागि सर्वोच्च अदालतले आदेश दिएको केही समयपछि सामाजिक सञ्जालमार्फत उनले राजीनामाको घोषणा गरे ।

आफ्ना कार्यकर्ताको रगत बगेको नचाहेको र पद छोड्दा दुख नलागेको उनको जिकिर छ । उनले पार्टीको विधान परिषद्को सदस्यता त्याग्ने घोषणा पनि गरे ।

यसअघि राति ९ बजे सर्वोच्च अदालतले बहुमत परीक्षणविरुद्ध उनले दायर गरेको अपिल खारेज गरेको थियो । महाराष्ट्रका गभर्नरले आज बिहानसम्म बहुमत परीक्षणका लागि विधानसभाको विशेष अधिवेशन आह्वान गरेका छन् ।

अब महाराष्ट्रमा भारतीय जनता पार्टीका नेता देवेन्द्र फडणवीस मुख्यमन्त्री बन्ने भारतीय सञ्चार सञ्चारमाध्यमहरुले जनाएका छन् ।

प्रतिक्रिया

Leave a Reply

Your email address will not be published.