आर्थिक
चौतर्फी विरोधपछि सरकारले पेट्रालियम पदार्थको मूल्य घटायो
२०७९ असार १२ गते ७:४१
१२ असार २०७९ काठमाडौं । चौतर्फी विरोधपछि सरकारले पेट्रालियम पदार्थको मूल्य घटाएको छ ।
मन्त्रिपरिषद्को बैठकको निर्णय अनुसार नेपाल आयल निगमले पेट्रोल प्रति लिटर २० रुपैयाँ र डिजल र मट्टितेल प्रतिलिटर २९ रुपैयाँ भाउ घटाएको हो ।
अब एक लिटर पेट्रोलको १ सय ७९ रुपैयाँ र डिजेल प्रतिलिटर १ सय ६३ पर्नेछ । गएराति १२ बजेदेखी लागु हुने गरी पेट्रोल, डिजल र मट्टितेलको भाउ घटेको छ ।
सरकारले कर कटौती गरी मूल्य घटाउने निर्णय गरेको उद्योग वाणिज्य तथा आपूर्तिमन्त्री दिलेन्द्रप्रसाद बडूले जानकारी दिनुभयो । हवाई इन्धन र खाना पकाउने ग्यासको भाउ भने यथावत रहेको छ ।
यसअघि पेट्रोलियम पदार्थको मूल्य घटाउने विषयमा सत्तारुढ पाँच दलबीच सहमति भएको थियो । यसअघि सरकारले रुस–युक्रेन युद्धलाई मुख्य कारण देखाएर यसको मूल्य वृद्धि गरेको थियो ।
प्रतिक्रिया