खेलकूद
नेपाल र क्यानडाबीचको पहिलो एक दिवसीय खेल रद्द
२०७९ असार २२ गते ७:३१
२२ असार २०७९ काठमाडौं । नेपाल र घरेलु टोली क्यानडाबीचको पहिलो एक दिवसीय खेल रद्द भएको छ ।
किङ सिटी रंगशालामा निर्धारित खेल वर्षाका कारण रद्द भएको हो । लगातार पानी परेका कारण खेलको टस समेत हुन सकेन । नेपालले क्यानडासँग दुई खेलको एक दिवसीय शृंखला खेल्नेछ ।
यसअन्तर्गत आज दोस्रो खेल हुँदैछ । विश्वकप लिग टू अन्तर्गत स्कटल्याण्डमा हुने त्रिकोणात्मक एक दिवसीय शृंखला अघि नेपाल क्यानडा भ्रमणमा गएको हो ।
यसअघि स्थानीय ओन्टारियो क्लबविरुद्ध खेलेका दुबै अभ्यास खेलमा नेपाल विजयी भएको थियो । किङ सिटी रंगशालामा आजको खेल नेपाली समय अनुसार राति पौने नौ बजे शुरू हुनेछ ।
क्यानडासँगको शृंखलापछि नेपाली टोली स्कटल्याण्ड प्रस्थान गर्नेछ । नेपालले लिग टू अन्तर्गतको शृंखलामा घरेलु टोली र नामिबियासँग खेल्नेछ ।
प्रतिक्रिया