खेलकूद
महिला टी–ट्वेन्टी क्रिकेटमा नेपालले आज थाइल्याण्डको सामना गर्दै
२०७९ जेठ २४ गते ८:५६
२४ जेठ २०७९ काठमाडौं । मलेसियामा जारी उन्नाइस वर्षमुनिको महिला आईसीसी ट्वेन्टी–ट्वेन्टी विश्वकप एसिया छनोटमा नेपालले आज थाइल्याण्डसँग प्रतिस्पर्धा गर्दैछ ।
मलेसियाको युकेएम ओभलमा नेपालले आफ्नो चौथो खेलमा थाइल्याण्डको सामना गर्न लागेको हो । नेपालले यसअघिका तीन मध्ये दुईमा जित निकाल्दा एकमा हार व्यहोरेको छ ।
पहिलो खेलमा कतारलाई ७९ रनले हराएको नेपाल दोस्रो खेलमा युएईसँग १० विकेटले पराजित भएको थियो । तेस्रो खेलमा भने नेपालले भुटानलाई ४ विकेटले हराएको थियो । नेपाल ३ खेलबाट ४ अंकसहित तेस्रो स्थानमा छ ।
उता थाइल्याण्ड आज लगातार चौथो जित निकाल्ने लक्ष्यका साथ मैदान ओर्लने छ । थाइल्याण्ड तीन खेलबाट ६ अंक जोड्दै दोस्रो स्थानमा छ ।
छनोटमा नेपालसहित, आयोजक मलेसिया, युएई, थाइल्याण्ड, भुटान र कतार रहेका छन् ।
प्रतिक्रिया