खेलकूद

गुजरात टाइटन्स आईपीएल क्रिकेटको शीर्ष स्थानमा

हिमालय टिभी
२०७९ वैशाख २ गते ७:५०
गुजरात टाइटन्स आईपीएल क्रिकेटको शीर्ष स्थानमा

२ वैशाख २०७९ मुम्बई । इण्डियन प्रिमियर लीग (आईपीएल) क्रिकेटमा गुजरात टाइटन्स शीर्ष स्थानमा उक्लिएको छ ।

आईपीएल अन्तर्गत राजस्थान रोयल्समाथि ३७ रनको जित निकाल्दै गुजरातले शीर्ष स्थान कब्जा गरेको हो ।

१९३ रनको लक्ष्यसहित मैदान ओर्लेको राजस्थानले निर्धारित ओभरमा ९ विकेट गुमाएर १५५ रनमात्र बनाउन सक्यो । उसका लागि जोश बट्लरले ५४ रनको अर्धशतकीय इनिंग्स खेले ।

त्यस्तै सिमरोन हेट्मेयरले २९ रन बनाए । बलिङमा गुजरातका यश दयाल र लोकी फर्गुशनले समान ३(३ विकेट लिए ।

यसअघि मुम्बईमा टस हारेर ब्याटिङ गरेको गुजरातले निर्धारित ओभरमा ४ विकेटको नोक्सानीमा १९२ रन बनाएको थियो ।

कप्तान हार्दीक पाण्ड्या ८७ रनमा नटआउट रहँदा अभिनव मनोहरले ४३ रन जोडे । त्यस्तै डेविड मिलर ३१ रनमा अविजित रहे । जितसँगै गुजरातले ५ खेलबाट ८ अंक जोडेको छ ।

उता हारपछि शीर्ष स्थानको राजस्थान तेस्रो स्थानमा पुगेको छ । आज सनराइजर्स हैदराबाद र कोलकाता नाइट राइडर्सबीच प्रतिस्पर्धा हुनेछ ।

प्रतिक्रिया

Leave a Reply

Your email address will not be published. Required fields are marked *

यो पनि पढनुहोस्