थ्री स्टारलाई १–० ले हराउँदै आर्मी आहा ! रारा गोल्डकपको सेमिफाइनल प्रवेश
११ माघ २०७८ पोखरा । थ्री स्टार क्लबलाई पराजित गर्दै विभागीय टिम त्रिभुवन आर्मी क्लब आहा रारा गोल्डकप फूटबलको सेमिफाइलनमा प्रवेश गरेको छ ।
पोखरा रङ्गशालामा आज भएको खेलमा थ्री स्टार क्लबलाई १–० गोलले हराउँदै आर्मी अन्तिम चारमा पुगेको हो । आर्मीका लागि खेलको ७० औँ मिनेटमा राजीव गुरुङले गरेको गोल निर्णायक बन्यो ।
अब आर्मीले फाइनल प्रवेशका लागि पर्सि मनाङ मर्स्याङ्दी क्बलसँग खेल्नेछ । पहिलो सेमिफाइलनमा भने भोलि मच्छिन्द्र फूटबल क्बल र एपीएफ क्लब खेल्नेछन् । फाइनल खेल शनिबार हुनेछ ।
प्रतियोगितामा १० टोली सहभागी छन् । विजेताले १० लाख एक हजार र उपविजेताले पाँच लाख एक हजार रुपैयाँ प्राप्त गर्नेछ ।
यसैबीच प्रतियोगिताको सेमिफाइनलदेखि दर्शकलाई रङ्गशालामा प्रवेश दिइने भएको छ ।
आयोजक सहारा क्लब पोखराले भोलिदेखि हुने सेमिफाइनल खेलमा स्थानीय प्रशासनले लागू गरेको सम्पूर्ण स्वास्थ्यका मापदण्ड अपनाउँदै दर्शकलाई अनुमति दिने जनाएको छ ।
प्रतिक्रिया