खेलकूद
काराबाओ कप फूटबलको उपाधिका लागि लिभरपुल र चेल्सी भिड्ने
२०७८ माघ ७ गते ७:४७
७ माघ २०७८ काठमाडौं । काराबाओ कप फुटबलको उपाधिका लागि लिभरपुल र चेल्सी भिड्ने भएका छन् ।
आर्सनललाई हराउँदै लिभरपुलले फाइनलमा चेल्सीसँगको भिडन्त पक्का पारेको हो । सेमिफाइनलको दोस्रो लेगमा गएराति आर्सनलमाथि २–० को जित निकाल्दै समग्रमा २–० नतिजासहित लिभरपुल फाइनलमा पुगेको हो ।
अवे मैदान इमिरेट्स रंगशालामा लिभरपुलको जितमा दुबै गोल डिएगो जोटाले गरेका थिए । उनले १९औं र ७७औं मिनेटमा गरी दुई गोल गरेका थिए ।
यसअघि लिभरपुलको घरेलु मैदान एनफिल्डमा पहिलो लेग गोलरहित बराबरीमा सकिएको थियो ।
उता चेल्सी भने टोटेनह्याममाथि समग्रमा ३–० को नतिजासहित फाइनलमा पुगेको थियो । फाइनल फेब्रुअरी २७ तारिखमा हुनेछ ।
प्रतिक्रिया