खेलकूद

नाइजेरिया र इजिप्ट अफ्रिका कप अफ नेशन्स फूटबलको अन्तिम १६ मा प्रवेश

हिमालय टिभी
२०७८ माघ ६ गते ८:०९
नाइजेरिया र इजिप्ट अफ्रिका कप अफ नेशन्स फूटबलको अन्तिम १६ मा प्रवेश

६ माघ २०७८ काठमाडौं । नाइजेरिया र इजिप्ट अफ्रिका कप अफ नेशन्स फूटबलको अन्तिम १६ मा प्रवेश गरेका छन् ।

समूह डी को खेलमा गुएना बिसुमाथि २–० को जित निकाल्दै नाइजेरिया समूह विजेताकोरुपमा अन्तिम १६ मा पुगेको हो ।

नाइजेरियाको जितमा उमर साडिक र कप्तान विलियमले एक(एक गोल गरे । शीर्ष स्थानको नाइजेरियाले अपराजित रहँदै ३ खेलबाट ९ अंक जोड्यो ।

उता यही समूहबाट सुडानलाई १–० ले हराएको इजिप्टले पनि अन्तिम १६ मा स्थान बनायो ।

इजिप्टका लागि ३५औं मिनेटमा मोहमेद एब्डेलमोनेमको गोल नै निर्णायक रह्यो । इजिप्टले तीन खेलबाट ६ अंक जोड्यो ।

प्रतिक्रिया

Leave a Reply

Your email address will not be published.