खेलकूद

ए डिभिजन लीगमा एनआरटीसँग जावलाखेल २–० गोल अन्तरले पराजित

हिमालय टिभी
२०७८ माघ ३ गते १५:०३
ए डिभिजन लीगमा एनआरटीसँग जावलाखेल २–० गोल अन्तरले पराजित

३ माघ २०७८ काठमाडौं । सहिद स्मारक ‘ए’ डिभिजन लीग फूटबलमा न्युरोड टिम एनआरटीले जावलाखेल युथ क्लबलाई २–० गोलले पराजित गरेको छ ।

दशरथ रंगशालामा आज भएको खेलमा एनआरटीलाई जित दिलाउन कप्तान दर्शन गुरुङले दुई गोल गरे ।

पहिलो हाफमा गोलरहित बराबरी भएको खेलको ६८ औं र ७३ औं मिनेटमा दर्शनले गोल गर्दै एनआरटीलाई जित दिलाए ।

जितसँगै एनआरटीले ९ खेलमा १३ अंक जोडेको छ । एनआरटी लीगको छैटौं स्थानमा उक्लिएको छ ।

जावलाखेलले ९ खेलमा ८ अंक जोडेको छ । जावलाखेल दशौँ स्थानमा छ।

प्रतिक्रिया

Leave a Reply

Your email address will not be published.