खेलकूद
सेन्ट्रल जोन भलिबलमा आज नेपाली महिला टोलीले किर्गिस्तानसँग प्रतिस्पर्धा गर्दै
२०७८ पुष १२ गते ८:२१
१२ पुस २०७८ काठमाडौं । बंगलादेशमा जारी एसियन सिनियर सेन्ट्रल जोन पुरुष तथा महिला भलिबल च्यालेञ्ज कपमा आज नेपालले महिलातर्फ प्रतिस्पर्धा गर्दैछ ।
प्रतियोगिता अन्तर्गत नेपालले आफ्नो अन्तिम लीग खेलमा किर्गिस्तानको सामना गर्न लागेको हो । नेपालको लक्ष्य आज लगातार पाँचौ जित निकाल्ने हुनेछ ।
नेपालले पहिलो खेलमा श्रीलंकालाई ३–२, दोस्रो खेलमा माल्दिभ्सलाई ३–०, तेस्रो खेलमा बंगलादेशलाई ३–० र चौथो सेटमा उज्वेकिस्तानलाई ३–० को सेटमा हराएको थियो । नेपाल यसअघि नै फाइनल पुगिसकेको टोली हो ।
ढाकामा खेल विहान सवा एघार बजे शुरू हुनेछ । प्रतियोगितामा पुरुषतर्फ ५ र महिलातर्फ ६ राष्ट्रको सहभागिता छ ।
राउण्ड रोबिनको आधारमा हुने प्रतियोगिताको शीर्ष दुई टोलीबीच फाइनलमा प्रतिस्पर्धा हुनेछ । यस्तै तेस्रो र चौथो टोलीले तेस्रो स्थानको लागि प्रतिस्पर्धा गर्नेछन् ।
प्रतिक्रिया