एमाले अध्यक्ष ओली र नेकपा महासचिव विप्लवबीच भेटवार्ता
५ साउन २०७८ काठमाडौं । नेकपा एमालेका अध्यक्ष केपी शर्मा ओली र नेपाल कम्युनिष्ट पार्टी (नेकपा)का महासचिव नेत्रविक्रम चन्द विप्लवसहितका नेताबीच आज भेटवार्ता भएको छ ।
भेटका लागि महासचिव विप्लव, खड्गबहादुर विश्वकर्मा र धमेन्द्र बस्तोला ओली निवास बालकोट पुग्नु भएको थियो । भेटमा नेकपा नेताहरुले यसअघि सरकारसँग भएको सहमति कार्यान्वयन गर्नुपर्नेमा जोड दिएका थिए ।
भेटमा सहभागी एमाले नेता राजन भट्टराईका अनुसार विप्लव समूहका नेताले यसअघि भएको सहमति अनुसार नै अगाडि बढ्न चाहेको बताएका थिए ।
उनीहरुले २०७७ साल फागुन १ गते सरकारसँग भएको तीनबुँदे सहमति कार्यान्वयनमा ढिलाइ भएको गुनासो गरेका छन् ।
जवाफमा एमाले अध्यक्ष ओलीले कानूनी जटिलताका कारण सहमति कार्वान्वयनमा ढिलाइ भएको भन्दै त्यसलाई अन्यथा रुपमा लिन नहुने बताएको नेता भट्टराईले जानकारी दिनुभयो ।
अध्यक्ष ओलीले आफुहरु विपक्षमा रहे पनि सहमतिबारे आफ्नो धारणा परिवर्तन नभएको समेत बताउनुभएको थियो ।
प्रतिक्रिया