विश्वासको मत लिन सफल भएकोमा मुख्यमन्त्री भट्टलाई नेता रावलको बधाइ

२५ जेठ २०७८ काठमाडौं । नेकपा एमालेका नेता भीम रावलले सुदूरपश्चिम प्रदेशमा विश्वासको मत लिन सफल भएकोमा मुख्यमन्त्री त्रिलोचन भट्टलाई बधाई दिनुभएको छ ।

मुख्यमन्त्री भट्टले विश्वासको मत लिनुपर्ने कुरा जेठ २१ गते प्रदेश सभामा उठेपछि त्यसको चार दिनमै विश्वासको मत लिएको भन्दै रावलले ट्वीट मार्फत बधाइ दिनुभएको छ ।

उहाँले यसबाट विधि र पद्धति नमान्नेले शिक्षा लिनुपर्ने भन्दै व्यङ्ग पनि गर्नुभएको छ ।

सुदूरपश्चिम प्रदेश सभामा विश्वासको मत लिनुपर्ने कुरा जेठ २१ गते उठेपछि जेठ २५ गते नै विश्वासको मत लिने प्रस्ताव गरी सभाको विश्वास प्राप्त गर्नुभएकोमा मुख्यमन्त्री त्रिलोचन भट्टजीलाई हार्दिक बधाई! विधि, विधान र पद्धति मिच्नेहरूले उहाँबाट राजनीतिक नैतिकताको केही शिक्षा लिने कि?

— Dr. Bhim Rawal (@BhimRawal179) June 8, 2021