Political Hightlights

अध्यक्ष ओली सहभागी नभएपछि नेकपा सचिवालय बैठक २० गतेसम्मका लागि स्थगित (भिडियोसहित)

हिमालय टिभी
२०७७ मंसिर १७ गते १५:०५
अध्यक्ष ओली सहभागी नभएपछि नेकपा सचिवालय बैठक २० गतेसम्मका लागि स्थगित (भिडियोसहित)

१७ मंसिर, २०७७ काठमाडौं । प्रधानमन्त्री एवं पार्टी अध्यक्ष केपी शर्मा ओली अनुपस्थित भएपछि नेपाल कम्युनिष्ट पार्टी (नेकपा)को सचिवालय बैठक प्रभावित भएको छ ।

पार्टी प्रवक्ता नारायणकाजी श्रेष्ठले अध्यक्ष केपी शर्मा ओली उपस्थित नभएपछि मंसिर २० गतेका लागि बैठक सारिएको बताउनुभयो ।

सचिवालय बैठकले पार्टीमा देखा परेको संकट र विद्यमान समस्या समााधानका लागि अध्यक्ष ओलीको समेत उपस्थितिमा बैठक बस्नु उचित हुने भन्ने निष्कर्षका साथ आगामी बैठकमा उपस्थिति हुन अनुरोध गर्ने निर्णयसहित मंसिर २० गतेका लागि बैठक बोलाईको प्रवक्ता श्रेष्ठले बताउनुभयो ।

मंसिर १८ गतेका लागि बोलाइएको स्थायी कमिटी बैठक पनि मंसिर २१ गतेका लागि सारिएको बताउनुभो । उहाँले भन्नुभयो ‘आज बसेको पार्टीको सचिवालयको बैठकमा अध्यक्ष केपी शर्मा ओली उपस्थित हुनुभएन । त्यस कारणले आजको बैठकले पार्टीमा देखा परेको संकट र विद्यमान समस्याहरुको समाधानका लागि प्रधानमन्त्रीसमेत रहनु भएका अध्यक्ष ओलीको समेत उपस्थितिमा छलफल गर्नु आवश्यक उपयुक्त र उचित हुन्छ भन्ने निष्कर्षका साथ अध्यक्ष ओलीको आगामी बैठकमा अनिवार्य उपस्थितिको अपेक्षासहित उहाँलाई बैठकमा आउन अनुरोध गर्ने निष्कर्षका साथ अब सचिवालयको बैठक आगामी २० गते १ बजे र पूर्व निर्धारित १८ गतेदेखि शुरु हुने स्थायी कमिटीको बैठक २१ गते १ बजे देखि प्रारम्भ हुने निर्णय गरिएको छ ।’

पार्टी गम्भीर संवेदनशील मोडमा रहेकाले आगामी बैठकमा अध्यक्ष ओली सहभागी हुने अपेक्षा र विश्वास आफूहरुले गरेको पनि प्रवक्ता श्रेष्ठले बताउनुभयो ।

उहाँले भन्नुभयो ‘हाम्रो पार्टी अहिले गम्भीर र संवेदनशील मोडमा छ । त्यसैले हामी यो असामान्य परिस्थितिमा संवेदनशिलताका साथ नै प्रक्रिया अगाडि बढाउन छलफलको बहसको प्रक्रिया अगाडि बढाउन र निर्णय लिनु उचित हुन्छ भन्छौं । त्यसकारणले गर्दा अध्यक्ष ओली आउनुभएन भने के गर्ने भन्ने बारेमा हामी सोच्नै चाहदैनौं । हामी अपेक्षा मात्र होइन विश्वस्त छौं की अध्यक्ष केपी शर्मा ओली अर्को बैठकमा उपस्थित भएर पार्टीको अहिलेको संकटको निवारण गर्ने छलफललाई सार्थक निष्कर्षमा पु¥याउन योगदान गर्नुहुनेछ ।’

प्रतिक्रिया

Leave a Reply

Your email address will not be published. Required fields are marked *

यो पनि पढनुहोस्