म्याच फिक्सिङको आरोपमा कप्तान थापासहित पाँच जनाले पाए सफाइ

Himalaya Television
२०७७ असार २ गते १६:४८

म्याच फिक्सिङको आरोपमा कप्तान थापासहित पाँच जनाले पाए सफाइ

२ असार, २०७७ काठमाडौं । म्याच फिक्सिङको आरोपमा निलम्बनमा परेका राष्ट्रिय फूटबल टिमका कप्तान सागर थापासहित पाँच जनालाई सर्वोच्च अदालतले सफाई दिएको छ ।

न्यायाधीशहरु डाक्टर आनन्द मोहन भट्टराई र बमकुमार श्रेष्ठको संयुक्त इजलासले पूर्व कप्तान थापासहितका आरोपितलाई सफाई दिएको हो ।

राष्ट्रिय टिमले खेलेका खेलमा मिलेमतो गरेर राज्यविरुद्धको अपराध गरेको भन्दै पूर्व कप्तान थापा, गोलकिपर रितेश थापा, डिफेन्डर सन्दिप राई, विकास सिंह क्षेत्री र अञ्जन केसीविरुद्ध मुद्धा दायर भएको थियो ।

नेपालमा खेल मिलेमतोसम्बन्धी कानुन नै नभएको अवस्थामा सर्वोच्चले सजायँको स्पष्ट ब्यवस्था नभएको र अभियोग लगाएको जस्तो आधार र कारणसमेत नभेटिएको भन्दै विषेश अदालतको फैसलालाई सदर गरेको हो ।

दुई वर्षअघि यो मुद्धामा विषेश अदालतले सबै आरोपितलाई निर्दोश घोषित गरेको थियो । खेल मिलेमतोमा संलग्न भएको आरोपमा अखिल नेपाल फुटबल संघले पाँचै जनालाई पाँच वर्षअघि फुटबलबाट प्रतिबन्ध लगाएको थियो ।

यस्तै एसियाली फुटबल महासंघले पनि उनीहरुमाथि प्रतिबन्ध लगाएको छ । खेलाडीले भने आफूहरु निर्दोश रहेको बताउँदै आएका थिए ।


प्रतिक्रिया

Leave a Reply

Your email address will not be published. Required fields are marked *