खेलकूद
नेपाल र बङ्गलादेशविरुद्धको मैत्रीपूर्ण खेल आज
२०७९ असोज ११ गते ९:२४
११ असोज २०७९ काठमाडौं । नेपाली राष्ट्रिय फुटबल टिमले आज दक्षिण एसियाली प्रतिद्वन्द्वी बङ्गलादेशविरुद्ध एक मैत्रीपूर्ण खेल खेल्दैछ ।
घरेलु मैदान दशरथ रङ्गशालामा नेपालले फिफा इन्टरनेशनल विन्डोअन्तर्गत बङ्गलादेशविरुद्ध मैत्रीपूर्ण खेल खेल्न लागेको हो । नेपाल र बङ्गलादेशबीचको खेल साँझ ५ : ३० बजे सुरु हुनेछ ।
नेपाली टोलीका कार्यवाहक मुख्य प्रशिक्षक प्रदिप हुमागाईँले बङ्गलादेशविरुद्ध जितकै लागि खेल्ने बताउनुभयो । तर, टिमका कप्तान किरण चेम्जोङले भने बङ्गलादेशविरुद्धको खेल जित्न सहज नभएको बताउनुभयो ।
नेपालले बङ्गलादेशविरुद्ध हालसम्म २४ पटक प्रतिस्पर्धा गरेको छ । जसमा बङ्गलादेशले १२ खेल जितेको छ भने नेपालले ७ खेल मात्रै जितेको छ । ५ खेल बराबरीमा सकिएको छ ।
प्रतिक्रिया