जुम्लामा अटो रिक्सा दुर्घटना हुँदा दुई जनाको मृत्यु

१९ कात्तिक २०८० जुम्ला । जुम्लामा भएको अटो रिक्सा दुर्घटनामा दुई जनाको मृत्यु भएको छ ।

गएराति हिमा गाउँपालिका(१ बड्कीमा भएको दुर्घटनामा दुई जनाको मृत्यु र एक जना घाइते भएको जिल्ला प्रहरी कार्यालय जुम्लाले जनाएको छ ।

हिमा गाउँपालिका(१ स्थायी घर भएका अटो चालक ४५ वर्षीय पदमबहादुर शाही र सोही स्थानका ४२ वर्षीय बली रोकायको मृत्यु भएको प्रहरीले बताएको छ । दुर्घटनामा हिमा गाउँपालिका(१ देयारगाउँका ४१ वर्षीय नन्द रोकाय गम्भीर घाइते भएका छन् ।

उनको कर्णाली स्वास्थ्य विज्ञान प्रतिष्ठान जुम्लामा उपचार भइरहेको छ । सदरमुकाम खलंगाबाट देयार गाउँतर्फ जाँदै गरेको भे १ ह ३१९७ नम्बरको अटो सडकबाट अन्दाजी १५० मिटर तल हिमा नदीको किनारामा खसेको थियो ।