बारामा भएको बस दुर्घटनामा एक जनाको मृत्यु, ११ जना घाइते

१२ कात्तिक २०८० बारा । बारामा बस दुर्घटना हुँदा एक जनाको मृत्यु भएको छ । ११ जना घाइते भएका छन् ।

भारतको मोतिहारी घर भई वीरगञ्ज बस्दै २७ वर्षीय मुकेश साहको मृत्यु भएको प्रहरीले जनाएको छ । घाइतेमध्ये वीरबहादुर र सुरज साहको अवस्था गम्भीर छ ।

चितवनबाट वीरगञ्ज जाँदै गरेको ना ७ ख ४७४९ नम्बरको बस गएराति जितपुर उपमहानगरपालिका वडा नम्बर २ सिमरा चोकमा दुर्घटना भएको हो ।

प्रारम्भिक अनुसन्धानका क्रममा मोटरसाइकललाई जोगाउन खोज्दा अनियन्त्रित भई बस दुर्घटना भएको प्रहरीले जनाएको छ ।