सरकारको नीति तथा कार्यक्रम पारित हुन नदिने एमालेको चेतावनी
६ जेठ २०८० काठमाडौं । प्रमुख प्रतिपक्ष दल नेकपा एमालेले आगामी आर्थिक वर्षको नीति तथा कार्यक्रम पारित हुन नदिने चेतावनी दिएको छ ।
संघीय संसद् भवन नयाँबानेश्वरमा बसेको संसदीय दलको बैठकमा अध्यक्ष एवं संसदीय दलका नेता केपी शर्मा ओलीले सरकारले ल्याएको नीति तथा कार्यक्रम संसदबाट पारित हुन नदिने चेतावनी दिनुभएको हो ।
उहाँले सरकारले देशलाई निर्देश गर्ने खालको नीति तथा कार्यक्रम नल्याएकाले त्यसलाई स्वीकार गर्न, समर्थन गर्न नसकिने बताउनुभयो ।
अध्यक्ष ओलीले सरकारको नीति तथा कार्यक्रम अस्पष्ट, अन्योलग्रस्त र दिशाहीन रहेको बताउनु भयो । उहाँले वार्षिक नीति तथा कार्यक्रम जस्तो नभएको र यसमा देश बनाउने कुनै पनि खालको प्रतिवद्धता नआएको दाबी गर्नुभयो ।
ओलीले मुलुकको अर्थतन्त्रको समस्या समेत सरकारको नीति तथा कार्यक्रममा उल्लेख नभएको जिकिर गर्दै आपत्ति जनाउनु भयो । उहाँले महालेखा परीक्षक कार्यालयको प्रतिवेदन राजनीतिक पूर्वाग्रहले प्रेरित रहेको आरोप समेत लगाउनु भयो ।
भ्रष्ट शिरोमणिज्यूको निन्द्रा गायब छ, टोप जी पक्राउ पर्नुभएकोमा। रिसल्ला सहित, पुरै सडक कब्जा नगरी संसदमा आएर राष्ट्रपतिले पढेको नीति तथा कार्यक्रम कसरी स्वीकार्य हुन सक्छ ?
तर अब संसद बन्द गरेर अनिर्णयको बन्दी बनाउने र अण्ट सण्ट गरेर भ्रष्टाचारको रक्षा गर्ने कुकर्म सह्य हुँदैन । प्रतिपक्षीलाई नीति तथा कार्यक्रम उपयुक्त नलागे डटेर तार्किक बहस गर्ने हो, विकल्पमा आफ्नो नीति प्रस्तुत गरेर संशोधनका लागि मतदानमा जाने हो , संसद बन्धक राखेर हाँडीजात्रा देखाउन पाइंदैन।