साउदी नेतृत्वको हवाई आक्रमणमा यमनमा २० बढी हुथी विद्रोहीको मृत्यु

२८ भदौ, २०७८ यमनं । यमनमा साउदी नेतृत्वमा भएको हवाई आक्रमण कम्तीमा २० हुथी विद्रोहीको मृत्यु भएको छ ।

मारिब राज्यमा गरिएको आक्रमणमा अन्य कैयौं लडाकु घाइते भएको सरकारी सेनाले बताएको छ । राहाबा जिल्लामा हुथी लडाकूलाई निशाना बनाइएको थियो ।

आक्रमण चारवटा गाडीमा रहेका २० भन्दा बढी लडाकुको मृत्यु भएको अधिकारीहरुले जनाएका छन् ।

यसैबीच, हुथीद्वारा सञ्चालित अल–मसिरा टिभीले मारिबको पश्चिमी जिल्ला राहाबा, जबल मुराद र सिर्वाहमा १७ पटक हवाई हमला भएको जनाएको छ । तर उसले आक्रमबाट भएको क्षतिबारे भने केही जानकारी गराएन ।

गत हप्ता सरकारी फौजसँगको भीषण लडाइँपछि हुथी विद्रोही राहाबा जिल्लाको मध्य सहर अल(कुलामा प्रवेश गरेका थिए ।