विदेश
अष्ट्रेलियाका विभिन्न शहरमा लकडाउनको विरोधमा प्रदर्शन
२०७८ साउन ९ गते १८:२५
९ साउन २०७८ सिड्नी । अष्ट्रेलियाका विभिन्न शहरमा लकडाउनको विरोधमा प्रदर्शन भएका छन् ।
सिड्नीमा हजारौं नागरिक सडकमा उत्रिएका छन् भने मेलबर्न र ब्रिस्वेनमा पनि प्रदर्शन भएको बीबीसीले जनाएको छ ।
प्रदर्शनमा उत्रिएकाले स्वतन्त्रताको पक्षमा नारावाजी गरेका छन् । ५७ भन्दा बढी प्रदर्शनकारी पक्राउ परेको प्रहरीले जनाएको छ ।
आज १ सय ६३ जना संक्रमित भेटिएको न्यू साउथ वेल्समा कोभिड हटस्पट घोषणा गरिएको छ । अष्ट्रेलियामा कोरोना संक्रमण फेरि बढ्न थालेपछि कडा लकडाउन लगाउनु परेको सरकारी तर्क छ ।
अष्ट्रेलियामा हालसम्म १४ प्रतिशत जनसंख्याले मात्र कोरोनाविरुद्धको खोप लगाएका छन् ।
प्रतिक्रिया