विदेश
पाकिस्तानमा भएको रेल दुर्घटनामा कम्तिमा ३२ जनाको मृत्यु
२०७८ जेठ २४ गते १४:१८
२४ जेठ २०७८ इस्लामावाद । पाकिस्तानमा रेल दुर्घटना हुँदा कम्तिमा ३२ जनाको मृत्यु भएको छ ।
सिंध प्रान्तको डहरकी नजिक आज विहानै दुई रेल एक आपसमा ठोक्किएका हुन् । दुर्घटनामा ४० भन्दा बढी घाइते भएको बीबीसीले जनाएको छ ।
मिल्लत एक्सप्रेस र सर सैयद एक्सप्रेस घोटकी नजिक डहरकी र रेती रेल्वे स्टेशनको बीच क्षेत्रमा ठोक्किएका थिए । मिल्लत एक्सप्रेसका अनियन्त्रित डिब्बा अर्को ट्रयाकमा गुडिरहेको रेलसँग ठोक्किएको अधिकारीको भनाइ छ ।
उद्धार तथा बचाव कार्य जारी रहेकाले मृतक र घाइतेको संख्या बढ्न सक्ने जनाइएको छ ।
प्रतिक्रिया