हैजाका कारण नाइजेरियामा यस वर्ष कम्तीमा ५० जनाको मृत्यु

Himalaya Television
२०७७ चैत २५ गते ९:३४

हैजाका कारण नाइजेरियामा यस वर्ष कम्तीमा ५० जनाको मृत्यु

२५ चैत २०७७ नाइजेरिया । हैजाका कारण नाइजेरियामा यस वर्ष कम्तीमा ५० जनाको मृत्यु भएको छ ।

स्थानीय स्वास्थ्य अधिकारीहरूले मङ्गलबार दिएको जानकारीअनुसार देशका आठ प्रदेशमा फैलिएको हैजाका कारण उनीहरूको मृत्यु भएको हो । रोग नियन्त्रण केन्द्रले हैजा तथा झाडापखाला जस्तो लक्षण भएका रोगहरूबाट उनीहरूको मृत्यु भएको जनाएको छ ।

यही मार्च २८ सम्मको विवरणअनुसार हैजाबाट एक हजार ७ सय ४६ जना बिरामी भएकोमा उनीहरूमध्ये ५० भन्दा बढीको मृत्यु भएको पाइएको केन्द्रका प्रमुख चिक्वे आइहेक्वेजुले बताए ।

अबुजामा आयोजित पत्रकार सम्मेलनमा उहाँले हैजाको महामारी डरलाग्दो र चिन्ताजनक भएकाले सबैले उच्च सतर्कता अपनाउनु पर्नेमा जोड दिनुभयो ।देशको नासारावा, सोकोटो, कोगी, बायेल्सा, गोम्बे, जाम्फारा, डेल्टा र बेन्युमा हैजाको महामारी फैलिएको उनले जानकारी दिनुभयो ।


प्रतिक्रिया

Leave a Reply

Your email address will not be published. Required fields are marked *

Latest Programs