विदेश
बन्दुकधारीद्वारा तीन महिला सञ्चारकर्मीको हत्या
२०७७ फागुन १९ गते ७:५३
१९ फागुन २०७७ काबुल । अफगानिस्तानमा बन्दुकधारीको गोली प्रहारबाट तीन जना महिला सञ्चारकर्मीको हत्या भएको छ ।
पूर्वी अफगानिस्तानको जलालाबादमा बन्दुकधारीले तीनजना महिला सञ्चारकर्मीको गोली हानी हत्या गरेका हुन् ।
युद्ध अन्त्यका लागि निरन्तर वार्ताको प्रयास भइरहेको समयमा बन्दुकधारीले सञ्चारकर्मीको हत्या गरेका हुन् ।
यो आक्रमणले शान्तिवार्ताका लागि तालिवान समूहसँग अमेरिकी पहलमा भइरहेको प्रयासमा समस्या सिर्जना भएको अन्तर्राष्ट्रिय सञ्चारमाध्यमले जनाएका छन् ।
उनीहरुहरू कार्यालयको कामपछि हिंडेर घर जाने क्रममा मारिएका थिए ।
प्रतिक्रिया