विदेश
एक महिनादेखि आन्दोलनरत किसान र सरकारबीच आज वार्ता हुने
२०७७ पुष ११ गते ९:४२
११ पुस २०७७ नयाँ दिल्ली । भारतमा जारी किसान आन्दोलनको एक महिना पूरा भएको छ ।
भारत सरकारले ल्याएको नयाँ कृषि कानूनलाई रद्द गर्नुपर्ने मागसहित किसानहरु आन्दोलनमा उत्रिएका हुन् । भारत सरकार र किसानबीच सहमति हुन नसक्दा किसानहरु अझै राजधानी दिल्लीको सीमा क्षेत्रमा धर्नामा बसेर आन्दोलन गरिरहेका छन् ।
यसैबीच, सरकार र किसानबीच आज पुनः वार्ता हुने भारतीय सञ्चार माध्यमहरुले जनाएका छन् । यसअघि पनि सरकार र किसानबीच ६ पटक वार्ता भइसकेको छ ।
तर, वार्ताबाट कुनै पनि निष्कर्ष निस्कन सकेन । भारतीय सञ्चार माध्यमहरुका अनुसार आजको वार्तालाई महत्त्वका साथ हेरिएको छ ।
प्रतिक्रिया