भारतले सर्जिकल स्ट्राइकको योजना बनाएको पाकिस्तानको आरोप

४ पुस २०७७ इस्लामावाद । भारतले पाकिस्तानमाथि सर्जिकल स्ट्राइकको योजना बनाइरहेको पाकिस्तानी विदेश मन्त्री शाह महमूद कुरैशीले बताएका छन् ।

गुप्तचरको सूचनाका अनुसारले पाकिस्तानमाथि सर्जिकल स्ट्राइकको योजना भइरहेको विदेश मन्त्री कुरैशीले बताएका हुन् ।

युएईको आबुधाबीमा बोल्दै भारतको आन्तरिक अवस्था र भारत प्रशासित कश्मीरमा जनताको अवस्थासम्बन्धी ध्यान अन्यत्रै मोड्न भारतले सर्जिकल स्ट्राइकको योजना बनाइरहेको उनले दाबी गरे ।

भारतले यस्तो गरे त्यसको कडा प्रतिकार गर्ने उनले बताए । उनले यसबारे पाकिस्तानको मित्रराष्ट्रहरुलाई पनि सचेत रहन आग्रह गरिएको बताए ।

कोरोना संक्रमणका कारण भारतको अर्थव्यवस्थामाथि धेरै असर परेको उनको भनाइ छ । भारतले यसबारे केही प्रतिक्रिया दिएको छैन ।