Main News
मेलम्चीको पानी माग्दै पाटनमा प्रदर्शन
२०८० पुष २० गते १३:४०
२० पुस २०८० काठमाडौं । उपत्यका संघर्ष समितिले मेलम्चीको पानी ल्याएर काठमाडौंमा वितरण गर्नुपर्ने माग गर्दै आज पाटन दरबार क्षेत्रमा प्रदर्शन गरेको छ ।
काठमाडौं उपत्यका मेलम्ची खानेपानी आयोजनाले मेलम्चीको पानी ल्याउन पहल नगरेको भन्दै उपभोक्ताहरुले संघर्ष समिति नै गठन गरेर एक महिनादेखि नै नियमित जसो प्रदर्शन गर्दै आएका छन् ।
काठमाडौं उपत्यकाका फरक फरक ठाउँमा प्रदर्शन गर्दै आएका उनीहरुले आज पाटन दरबार क्षेत्रमा प्रदर्शन गरेका हुन् ।
उपभोक्ताहरु रित्ता गाग्रीसहित विभिन्न नारा लेखिएका पोस्टर र प्लेकार्ड बोकेर नै प्रदर्शनमा सहभागी भएका थिए ।
मनसुन सुरु हुनुअघि मेलम्चीको सुरङ बन्द गरेर पानी ल्याउन रोकिएको थियो । मनसुन सकिएको लामो समय हुँदा पनि मेलम्चीको पानी काठमाडौं ल्याइएको छैन । सरकारले माघको पहिलो सातातिर मेलम्चीको पानी काठमाडौं ल्याउने बताएको छ ।
प्रतिक्रिया