भारतीय विदेशमन्त्री जयशंकर स्वदेश फिर्ता

२० पुस २०८० काठमाडौं । नेपालको दुई दिने भ्रमण पूरा गरी भारतीय विदेशमन्त्री एस जयशंकर भारत फर्कनु भएको छ ।

त्रिभुवन अन्तर्राष्ट्रिय विमानस्थलमा परराष्ट्रमन्त्री एनपी साउदले भारतीय समकक्षी जयशंकरको बिदाई गर्नुभयो ।

नेपाल–भारत संयुक्त आयोगको सातौँ बैठकमा भाग लिन आएका जयशंकरले हिजो उच्चस्तरीय भेटवार्ता गर्नुभएको थियो । आयोगको बैठकपछि नेपाल र भारतबीच भएका विभिन्न सहमति तथा समझदारी आदानप्रदान भएको थियो ।

आज स्वदेश फर्किनुअघि उहाँले बिहान पशुपतिनाथ मन्दिर परिसरको दर्शन गर्नुभयो । उहाँले त्रिभुवन विश्वविद्यालयको पुस्तकालय उद्घाटन गर्नुभयो ।