अर्घाखाँचीमा ट्रक दुर्घटना हुँदा दुईजनाको मृत्यु

२४ मंसिर २०८० अर्घाखाँची । अर्घाखाँचीमा ट्रक दुर्घटना हुँदा दुईजनाको मृत्यु भएको छ ।

दुर्घटनामा परी ट्रक चालक नवलपरासी पश्चिम रामग्राम नगरपालिका–१८ बस्ने ३१ वर्षीय सञ्जयकुमार चौधरी र सहचालक भोला कुर्मीको मृत्यु भएको प्रहरीले जनाएको छ ।

गिटी बोकेको ना ६ ख २७३९ नम्बरको ट्रक शीतगङ्गा नगरपालिका– ८ सातमाराको राप्ती पुल नजिकै अनियन्त्रित भई दुर्घटना भएको थियो ।

दुर्घटनामा गम्भीर घाइते भएका उनीहरुको बुटवलमा उपचारका क्रममा मृत्यु भएको हो ।