हेटौंडामा ट्याक्टर दुर्घटना हुँदा दुई जनाको मृत्यु

१८ मंसिर २०८० हेटौंडा । हेटौंडामा ट्याक्टर दुर्घटना हुँदा दुई जनाको घटनास्थलमै मृत्यु भएको छ ।

हेटौंडा उपमहानगरपालिका वडा नम्बर–१६ पानीस्वारामा भएको दुर्घटनामा चालकसहित दुई जनाको घटनास्थलमै मृत्यु भएको हो ।

ट्याक्टर चालक बारा निजगढ नगरपालिका–१३ का २६ वर्षीय डिलम थिङ र पानीस्वाराका ५६ वर्षीय जितबहादुर थिङको मृत्यु भएको जिल्ला प्रहरी कार्यालय मकवानपुरले जनाएको छ ।

मधेश प्रदेश ०३–००१ त ६९८७ नम्बरको ट्याक्टर पार्किङका लागि ब्याक गर्ने क्रममा हिजो भिरबाट करिब ३ सय मिटर तल खसेको थियो ।