दाङमा एकै घरका दाजुभाइ मृत फेला

५ मंसिर २०८० दाङ । दाङको तुलसीपुरमा एकै घरका दाजुभाइ मृत फेला परेका छन् ।

तुलसीपुर उपमहानगरपालिका–१६ डोक्रेना घर भइ तुलसीपुर उपमहानगरपालिका–६ गाइडहरमा बस्दै आएका ३४ वर्षीय पूर्णबहादुर बस्नेत र उनका भाइ ३० वर्षीय टेकबहादुर मृत फेला परेका हुन् ।

मृतक पूर्णबहादुर परिवारका साइला र टेकबहादुर कान्छा सन्तान रहेको इलाका प्रहरी कार्यालय तुलसीपुरका डीएसपी ठाकुरप्रसाद पोखरेलले जानकारी दिनुभयो । डीएसपी पोखरेलले हिजो साँझ मात्रै उनीहरू कोठामा मृत अवस्थामा फेला परेको सूचना प्राप्त भएको हो ।

एउटै कोठाका दुई वटा खाटमा उनीहरु मृत फेला परेका थिए । पोस्टमार्टमपछि मात्र मृत्युको कारण खुल्ने प्रहरीले जनाएको छ ।