गठबन्धनले लगायो राष्ट्रियसभाको १९ सिट भागबण्डा
२२ पुस २०८० काठमाडौं । सत्ता गठबन्धनमा राष्ट्रिय सभाका रिक्त १९ सिट भागबण्डामा सहमति जुटेको छ ।
आज बिहान प्रधानमन्त्री निवास बालुवाटारमा बसेको बैठकमा सिट बाँडफाँटमा सहमति जुटेको हो । बैठकमा सहभागी नेपाली कांग्रेस प्रमुख सचेतक रमेश लेखकले नेपाली कांग्रेसले १०,नेकपा माओवादी केन्द्रले ६, एकीकृत समाजवादीले २ र १ सिट जसपाले लिने गरी टुंगो लागेको बताउनुभयो ।
हिजो विभिन्न चरणमा बसेको बैठकमा सहमति नजुटेपनि आज बिहान पुनः गठबन्धनको बैठक बसेको हो ।
यसैबीच राष्ट्रियसभाको सिट भागबन्डामा असन्तुष्टि जनाएको एकीकृत समाजवादीले सचिवालय बैठक बोलाएको छ । बैठक केहीबेरमा पार्टी मुख्यालय आलोकनगरमा बस्दैछ । समाजवादीले भागबण्डामा ३ सिट दाबी गर्दै आएको छ ।
उता गठबन्धनको बैठकलगत्तै माओवादी पदाधिकारी बैठक बसिरहेको छ । बालुवाटारमा जारी बैठकमा राष्ट्रियसभाको उम्मेदवार चयनका विषयमा छलफल भैरहेको बताइएको छ ।
प्रतिक्रिया