बिशेष

मुगुको मन्दुमा एकै परिवारका चार जना मृत फेला

हिमालय टिभी
२०८० कार्तिक १० गते १५:३३
मुगुको मन्दुमा एकै परिवारका चार जना मृत फेला

१० कात्तिक २०८० मुगु । मुगुको छायाँनाथ रारा नगरपालिका–६ को मन्दुमा एकै परिवारका ४ जना मृत भेटिएका छन् ।

जिल्ला प्रहरी कार्यालय मुगुका अनुसार २८ वर्षीया श्रीदेवी बोहोरा, उनका दुई छोरा र एक छोरीको शव घरमा भेटिएको हो ।

जिल्ला प्रहरी कार्यालयका डीएसपी वीरेन्द्र थापाका अनुसार श्रीदेवीसहित उनका ११ वर्षीय छोरा मनोज, ९ वर्षकी छोरी अप्सरा र ८ महिने छोरा रहर मृत भेटिएका हुन् ।

घटनास्थल रक्ताम्मे देखिएकाले उनीहरूको हत्या भएको हुन सक्ने प्रहरीको प्रारम्भिक अनुमान छ । श्रीदेवीका श्रीमान् रोजगारीको सिलसिलामा कतारमा रहेका छन् ।

अनुसन्धानका लागि डीएसपी विरेन्द्र थापाको नेतृत्वमा प्रहरीको टोली घटनास्थल पुगेको कर्णाली प्रदेश प्रहरी प्रमुख भीमप्रसाद ढकालले बताउनुभयो । घटनाको थप अनुसन्धान गर्न प्रदेशको टोली पठाएको पनि उहाँको भनाइ छ ।

प्रतिक्रिया

Leave a Reply

Your email address will not be published. Required fields are marked *

यो पनि पढनुहोस्