खेलकूद
प्रिमियर लिगमा आर्सनलको लगातार दोस्रो जित
२०८० भदौ ५ गते ९:२९
५ भदौ २०८० काठमाडौं । इंग्लिस प्रिमियर लिग फुटबलमा आर्सनलले लगातार दोस्रो जित निकालेको छ ।
प्रिमियर लिगको पछिल्लो खेलमा आर्सनलले क्रिष्टल प्यालेसमाथि १–० को जित निकालेको हो । आर्सनलको जितमा मार्टन ओडेनगार्डको एकमात्र गोल नै निर्णायक रह्यो ।
उनले ५३औं मिनेटमा पेनाल्टीमार्फत गोल गरेका थिए । त्यसपछि ६७औं मिनेटमा टाकिहिरो टोमियासुले रेड कार्ड पाएपछि आर्सनल दस खेलाडीमा सिमित भएको थियो ।
जितसँगै तीन अंक जोडेको आर्सनल तालिकाको तेस्रो स्थानमा उक्लिएको छ ।
प्रतिक्रिया