धादिङमा राहदानी लिन सहज (भिडियो रिपोर्टसहित)

३० साउन २०८० धादिङ । धादिङमा राहदानी लिनका लागि सेवाग्राहीले पाउने सास्ती पाउनुपर्ने अवस्थाको अन्त्य भएको छ ।

टोकन वितरण मार्फत सेवा दिन थालेसंगै राहादानी बनाउदा पाउने सास्ती अन्त्य भएको हो । रोजगार, अध्ययन, भ्रमणका लागि विदेशी मूलुकमा जाँदा चाहिने राहादानी बनाउन सास्ती भोगेका नागरिकलाई अहिले सहज भएको छ ।

विगतमा अनलाइनबाट राहादानी दिँदा फर्म भरिदिने नाममा साइबरहरुले बढी पैसा असुल्ने गरेको गुनासो आउने गरेको थियो । सेवाग्राहीले दुई तीन महिनासम्म पालो नपाउने समस्या भएपछि असार ३ गतेबाट टोकन प्रणाली लागु गरिएको हो ।

टोकन प्रणाली लागु गरेपछि सेवाग्राहीको गुनासो कम भएको छ । अहिले बढीमा ७ दिन भित्र सेवाग्राहीले राहादानी पाउने अवस्था बनेको छ ।