राष्ट्रियतामाथि आक्रमण भइरहेको छः ऊर्जामन्त्री लिङ्देन (भिडियो रिपोर्टसहित)

२८ माघ २०७९ काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले राष्ट्रियतामाथि आक्रमण भइरहेको बताउनुभएको छ ।

काठमाडौंमा आज शुरु भएको पार्टीको विद्यार्थी संगठनको महाधिवेशनलाई सम्बोधन गर्दै अध्यक्ष लिङ्देनले चौतर्फी रुपमा देशको राष्ट्रियतामाथि आक्रमण भइरहेको प्रमुख दलका नेताहरुले नै भन्ने गरेको बताउनुभयो ।

उहाँले नेपालको निर्णायकत्व नेपालीको हातमा नभएको भन्दै विद्यार्थी संगठनले त्यसमा खबरदारी गर्न सक्नुपर्ने बताउनु भयो ।

उपप्रधानमन्त्री एवं उर्जामन्त्री समेत रहेका लिङ्देनले काठमाडौं केन्द्रित राजनीति गरेर मात्रै नेता नहुने भन्दै विद्यार्थी नेतालाई सचेत गराउनुभयो ।