Main News

भोलि उच्चस्तरीय राजनीतिक संयन्त्रको बैठक बस्ने

हिमालय टिभी
२०७९ माघ २५ गते १२:४५
भोलि उच्चस्तरीय राजनीतिक संयन्त्रको बैठक बस्ने

२५ माघ २०७९ काठमाडौं । भोलि उच्चस्तरीय राजनीतिक संयन्त्रको बैठक बस्ने भएको छ ।

प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच भोलि बैठक बोलाउने सहमति भएको हो ।

आज बिहान उच्चस्तरीय राजनीतिक संयन्त्रको संयोजकसमेत रहेका ओलीलाई भेट्न प्रधानमन्त्री प्रचण्ड ओली निवास बालकोट पुग्नुभएको थियो ।

बालकोटबाट बाहिरिने क्रममा प्रधानमन्त्री प्रचण्डले बैठकमा राष्ट्रपतिको उम्मेदवारबारे पनि छलफल हुने बताउनुभयो । राष्ट्रपति पदको निर्वाचन आगामी फागुन २५ गते हुँदैछ । तर सत्ता साझेदार दलबीच नै राष्ट्रपतिको उम्मेदवारबारे एक मत छैन ।

एमालेले राष्ट्रपति आफूले पाउनुपर्ने अडान राख्दै आए पनि प्रधानमन्त्री प्रचण्ड सहमत हुनुहुन्न ।

प्रतिक्रिया

Leave a Reply

Your email address will not be published. Required fields are marked *