वन नियमावली २०७८ खारेजीको माग (भिडियो रिपोर्टसहित)

१५ पुस २०७९ काठमाडौं । नेपाल फर्निचर तथा फर्निसिङ्ग व्यवसायी महासंघले वन नियमावली २०७८ खारेजीको माग गरेको छ ।

वन तथा वातारवण मन्त्रालयले असार १६ गते जारी गरेको वन नियमावली विदेशबाट काठ आयात गर्ने व्यवसायीको साँठगाँठ र सिन्डिकेटलाई प्रश्रय गर्ने गरी आएको भन्दै महासंघले खारेजीको माग गरेको हो ।

विदेशबाट निर्यात हुने काठलाई बिस्थापित गर्नु पर्ने बेलामा निश्चित स्वार्थ समूहको पृष्ठ पोषणका लागि वन नियमावली ल्याइएको आरोप महासंघले लगाएको छ ।

काठ खरिदका लागि फर्निचर उद्योगले प्रतिस्पर्धामा भाग नै लिन नपाउने गरी नियमावली आएको महासंघको गुनासो छ ।