यस्तो रहनेछ आजको मौसमी अवस्था

६ पुस २०७९ काठमाडौं । आज दिउँसो प्रदेश १ को मौसम आंशिकदेखि सामान्य बदली रहने मौसमविद्ले बताएका छन् ।

भारतको जम्मु कश्मीरमा रहेको पश्चिमी न्यून चापीय प्रणालीको प्रभावले आज दिउँसो प्रदेश १ को मौसम आंशिकदेखि सामान्य बदली रहने मौसमविद्ले बताएका हुन् ।

अरु ठाउँको मौसम भने सामान्यतया सफा नै रहने मौसम पूर्वानुमान महाशाखाले जनाएको छ ।

महाशाखाका अनुसार यसकै प्रभावले हाल लुम्बिनी, सुदूरपश्चिम प्रदेश तथा देशका पहाडी भूभागमा आंशिक बदली रही तराईका थोरै भूभागमा हुस्सुकुहिरो लागेको छ ।

यस्तै आज राति देशको पहाडी भूभागमा आंशिक बदली रही बाँकी भूभागमा मौसम सामान्यतया सफा रहनेछ ।