राजनीति

को को पराजित भए चर्चित राजनीतिक हस्तीहरु ? (भिडियो रिपोर्टसहित)

हिमालय टिभी
२०७९ मंसिर ७ गते २१:११
को को पराजित भए चर्चित राजनीतिक हस्तीहरु ? (भिडियो रिपोर्टसहित)

७ मंसिर २०७९ काठमाडौं । प्रतिनिभिसभाको मत परिणाम सार्वजनिक हुने क्रम जारी छ । यस बीचमा केही चर्चित हस्तिहरु पराजित भएका छन् । यो क्रम थप बढ्दै जाने संकेत देखिएको छ । हेरौं अहिलेसम्म पराजित राजनीतिक हस्तीबारे तयार पारिएको यो सामग्री ।

मंसिर ४ गते सम्पन्न निर्वाचनको परिणाम धमाधम आइरहेका छन् । केही स्थानमा यसपटक अनपेक्षित परिणाम आउँदा धेरै चर्चीत उम्मेदवार पराजित भएका छन् । यसरी पराजित हुनेमा बलियो संगठन भएका सत्तागठबन्धन र नेकपा एमाले, जनता समाजवादी पार्टीका उम्मेदवार पनि छन् ।

यी हुन् चर्चित पराजित

ईश्वर पोखरेल
नेकपा एमालेबाट पराजित मध्ये सबैभन्दा शीर्ष नेता हुन् वरिष्ठ उपाध्यक्ष पोखरेल । अघिल्लो निर्वाचनमा कांग्रेसका डा प्रकाशशरण महतलाई भारी मतान्तरले हराएका पोखरेल यो पटक कांग्रेसका युवा नेता प्रदीप पौडेलसँग पराजित हुनुभयो । यसअघि काठमाडौं ५ बाट निर्वाचित पोख्रेल यसपटक ५ हजार ६२ मतान्तरले पराजित हुनुभयो ।

उपेन्द्र यादव
०६२र०६३ को जनआन्दोलनपछि भएको मधेस आन्दोलनबाट उदाएका यादव यो चुनावसँगै कमजोर बन्नुभएको छ । कुनैबेला सरकार बनाउने र गिराउने हैसियतमा पुगेको यादवको दल यो निर्वाचनपछि निकै कमजोर मात्रै बनेको छैन सप्तरी–२ मा जनमत पार्टिका अध्यक्ष डा सीके राउतसँग स्वयं लज्जास्पद हार व्यहोर्न बाध्य हुनुपरेको छ ।

ओनसरी घर्ती
नेकपा माओवादी नेतृ एवं पूर्व सभामुख ओनसरी घर्ती मगर काठमाडौं २ बाट पराजित हुनुभयो । उहाँलाई राष्ट्रिय स्वतन्त्र पार्टीकी उम्मेदवार सोभिता गौतमले ५ हजार ७ सय ८० मतान्तरले पराजित गर्नुभयो ।

रामकुमारी झाँक्री
नेकपा एकीकृत समाजवादीकी सचिव रामकुमारी झाँक्री गुल्मी २ मा पराजित हुनुभयो । उहाँलाई पराजित गर्दै एमाले सचिव गोकर्ण विष्ट चौंथोपटक जित्न सफल हुनुभयो । एकीकृत समाजवादीका प्रवक्ताजगन्नाथ खतिवडा पिन उदयपुर(२ बाट एमालेका अम्बरबहादुर रायमाझीसँग पराजित हुनुभएको छ ।

रवीन्द्र मिश्र
राष्ट्रिय प्रजातन्त्र पार्टीका वरिष्ठ उपाध्यक्ष रविन्द्र मिश्र यसपटक पनि पराजित हुनुभयो । काठमाडौं १ मा नेपाली कांग्रेसका उम्मेदवार प्रकाशमान सिंहसँग मिश्र झिनो मतान्तरले परािजत हुनुभएको हो ।

राजन भट्टराई
काठमाडौं क्षेत्र नम्बर ४ मा गगन थापाले जितको ह्याट्रिक गर्दा नेकपा एमालेका नेता राजन भट्टराई फराकिलो मतान्तरमा पराजित हुनुभयो ।

जीवनराम श्रेष्ठ
नेकपा एकीकृत समाजवादीका सचिव एवं संस्कृति, पर्यटन तथा नागरिक उड्डयनमन्त्री जीवनराम श्रेष्ठ पनि पराजित हुनुभयो । काठमाडौं ८ मा सत्तागठबन्धनकातर्फबाट उम्मेदवार रहेका श्रेष्ठलाई पराजित गर्दै राष्ट्रिय स्वतन्त्र पार्टीका उम्मेदवार विराजभक्त श्रेष्ठ निर्वाचित हुनुभयो । सोही क्षेत्रमा चर्चामा रहेका उम्मेदवार सुमन सायमी पनि परािजत हुनुभयो ।

भीमसेनदास प्रधान
नेपाली कांग्रेसका नेता एवं पूर्व रक्षामन्त्री भीमसेनदास प्रधान काठमाडौं ६ मा पराजित हुनुभयो । उहाँलाई राष्ट्रिय स्वतन्त्र पार्टीका शिशिर खनालले पराजित गर्दा काठमाडौं ६ मा प्रधान ह्याट्रिक गर्नबाट रोकिनुभयो । त्यस्तै सोही क्षेत्रमा उमाले उम्मेदवार रहनुभएका नेपाल प्रहरीका पूर्व महानिरिक्षक सर्वेन्द्र खनाल पनि पराजित हुनुभयो ।

मानुषि यमी भट्टराई र रामवीर मानन्धर
पूर्वप्रधानमन्त्री बाबुराम भट्टराई पुत्री मानुषी यमी भट्टराई काठमाडौं ७ मा पराजित हुनुभयो । सत्तागठबन्धनका तर्फबाट उम्मेदवार रहेकी मानुषी तेस्रोे हुँदा राष्ट्रिय स्वतन्त्र पार्टीका गणेश पराजुली निर्वाचित हुनुभयो । सोही क्षेमा पूर्वमन्त्री रामवीर मानन्धर पनि पराजित हुनुभयो ।

मोहम्मद इस्तियाक राई
जनता समाजवादी पार्टीका नेता मोहम्मद इस्तियाक राई बाँके २ बाट पराजित हुनुभयो । उहाँलाई राप्रपाका उम्मेदवार धवलशमशेर राणाले पराजित गर्नुभयो ।

प्रतिक्रिया

Leave a Reply

Your email address will not be published. Required fields are marked *

यो पनि पढनुहोस्