आज पहाडी भूभागका एकदुई स्थानमा हल्का वर्षाको सम्भावना

१८ कात्तिक २०७९ काठमाडौं । आज देशको पहाडी भूभागका एकदुई स्थानमा हल्का वर्षा हुने मौसमविद्ले बताएका छन् ।

पश्चिमी वायुको प्रभावले आज दिउँसो पहाडी भूभागको मौसम आशिंक बदली भइ एकदुई स्थानमा हल्का वर्षाको सम्भावना रहेको मौसम पूर्वानुमान महाशाखाले जनाएको छ ।

महाशाखाका अनुसार आज राति देशका पहाडी भूभागहरूमा आंशिक बदली रही बाँकी भूभागमा मौसम सामान्यतया सफा रहनेछ ।

भोलिलाई भने प्रदेश १, कर्णाली र सुदूरपश्चिम प्रदेशका पहाडी भूभागका थोरै तथा बाँकी प्रदेशका पहाडी भूभागका एकदुई स्थानमा हल्का वर्षाको सम्भावना रहेको छ ।