माओवादी केन्द्रको स्थायी कमिटी बैठक आज पनि बस्दै

४ भदौ २०७९ काठमाडौं । नेकपा माओवादी केन्द्रको स्थायी कमिटी बैठक आज पनि बस्दै छ ।

दिउँसो १ बजे बस्ने बैठकमा पदाधिकारी टुंगो लगाउने सम्भावना रहेको बताइएको छ । महासचिवमा ७ जनाले दाबी नछाडेपछि माओवादीमा पदाधिकारी टुंगो लगाउन सकस भएको छ ।

यसअघि हिजो बसेको स्थायी कमिटी बैठकले पदाधिकारी टुंगो लगाउने तयारी गरेपनि महासचिवका आकांक्षी धेरै भएपछि बैठक टुंगोमा पुग्न सकेको थिएन ।

आज पुनः बैठक बसेर पदाधिकारी टुंगो लगाउने तयारी रहेको नेताहरुले बताएका छन् ।