युवा आवाजलाई सिंगो राष्ट्रले बुलन्द गरिरहेको छ : सभामुख सापकोटा (भिडियो रिपोर्टसहित)

९ साउन २०७९ काठमाडौं । सभामुख अग्निप्रसाद सापकोटाले युवाको आवाजलाई अहिले सिंगो राष्ट्रले बुलन्द गरिरहेको बताउनुभएको छ ।

काठमाडौंमा आज आयोजित राष्ट्रमा जीपीएस समृद्ध अभियानको शुरूवात गर्दै सभामुख सापकोटाले बुलन्द भएको युवाको आवाजलाई सबैले ध्यान दिनुपर्ने बताउनुभयो ।

सभामुख सापकोटाले अहिले काठमाडौं र धरान लगायतका स्थानमा युवाको आवाजरुपी संकेतको रुप देखा परेको बताउँदै साइरनरुपी यी संकेतको भाषा बुझ्न आवश्यक रहेको बताउनुभयो । सापकोटाले विचारमा बहस शुन्य हुँदै जानथालेको प्रति चिन्ता व्यक्त गर्नुभयो ।

सभामुख सापकोटाले जलवायु परिवर्तनको शिक्षालाई राम्रोसँग अध्ययन गर्न नसके ठूलो दुर्घटना हुने अवस्था आउने बताउनुभयो ।